රජයේ පාසල් ගුරුවරයෙකු ලෙස වසර තිහක ගුරු සේවයේ අත්දැකීම් අනුව ළමා මනස ගැන මනා අවබෝධයකින් යුතුව මෙම පෙර පාසල් වැඩ පොත පොඩ්ඩන් වෙනුවෙන්ම විෂය නිර්දේශයට අනුව සකස් කර ඇත. ඇස, අත සමන්යෝජනය, බුද්ධි වර්ධනය ඇතුළු මූලික දක්ෂතා හා කුසලතා වර්ධනය කර ගැනීමට ඉවහල් වන මූලික අභ්‍යාස මෙහි අන්තර්ගතය. විවිධ ක්‍රියාකාරකම් අභ්‍යාස කිරීමේදී දෙමාපියන්, වැඩිහිටියන් දරුවාට සහාය වන්න. සංස්කරණය සරත් අනුරසිරි

1979 එක සීතල උදෑසනක, “ලොක්කේ…” අප්පච්චිගේ බර, මෘදු හඬින් මම අවදි වීමි. අම්මා පිසූ කිරි බතේ සුවඳින් ගේ පිරි තිබිණි. අලුත් සුදු කමිසයට, පරණ නිල් කලිසමට අලුත් කට සපත්තු එක්ව තිබුණි. වෙනදා නැති ආඩම්බරයකින් මම අප්පච්චි එක්ක කුඹුරු යාය මැදින් විභාග මධ්‍යස්ථානයට ගියෙමි. “හොඳට ලියන්න ඈ…. ඔයාට පුළුවන්….” අප්පච්චි මගේ හිස අතගෑවේ, මා කෙරෙහි තිබූ විශ්වාසයෙනි. විභාගය ඇරඹිණි. මා කිසිදා දැක නැති තරම් ලොකු නැවුම් සුවඳැති ප්‍රශ්න පත්තරයක් ලැබිණි. ලිව්වෙමි. විභාගය අවසන් වී ආවත් කිසිවෙක් ලිව්වේ මොනවාද කියා ඇසුවේ නැත. ප්‍රතිඵල එනතෙක් කුරුල්ලෙකු මෙන් නිදහසේ සිටියෙමි. ප්‍රතිඵල ඉස්කෝලෙට ලැබී තිබුණි! චන්දන සූරියබණ්ඩාර

2016 නව නිර්දේශයට අනුව 1 ශ්‍රේණියේදී ඉගැන්වීමට නියමිත හල් කිරීම් හා සියලුම පිල්ලම් ඇතුළත් වැකි ඇසුරින් මෙම පොත සම්පාදනය කර ඇත. කර්තෘ විස්තරය ප්‍රියංගා සමරසේකර ප්‍රාථමික සහ ඉංග්‍රීසි පුහුණු ගුරුවරියක වන ප්‍රියංගා සමරසේකර කතුවරිය, රජයේ ගුරු සේවයේ අවුරුදු 25 ක සේවා කාලයක් සම්පූර්ණ කර විශ්‍රාම ලබා ඇත. විශ්‍රාම ලබනවිට බප/ පිළ/ ශ්‍රීමත් ජෝන් කොතලාවල මහා විද්‍යාලයේ සේවයේ නියුතුව සිටි ප්‍රාථමික අධ්‍යාපනය පිළිබඳව අත්දැකීම් රාශියකින් හෙබි ඇය, විශ්‍රාම ලැබීමෙන් පසු ප්‍රාථමික ශ්‍රේණිවල දරුවන් සඳහා වැඩ පොත් ගණනාවක් පළ කර ඇත.

සේනානි ධර්මරත්න දරුවන් අකුරු ඉගෙනගන්නේ හරිම ආසාවෙන්. එත්, පුංචි ගැටලුවක් මතුවෙනවා. ඒ තමයි, පිල්ලම් සහිත අකුරු හමුවීම. එතකොට කියවන්න මදක් පැකිලෙනවා. ඉස්පිල්ල, පාපිල්ල, ඇදපිල්ල, ඇලපිල්ල මේවා ටිකක් විතර සංකීර්ණයි. හැබැයි හරි පිළිවෙළකට ඒ ඒ පිල්ලම් වර්ග තේරුම් ගත්තොත් – ඔව් එවිට – පිල්ලම් සියල්ල යොදා වචන – කියවන්න පුළුවන්. ඔබේ දරුවාට ඒ හපන්කම කරන්න මේ පිල්ලම් පොත අත්වැලක් වෙනවා. ‘අ’ ස්වරයෙන් හැදෙන වචනවලින් පටන්ගෙන අකුරු දෙක – තුනක – ඉගෙනගත් පිල්ලම්වලට අදාළ පාඩම්, දරුවාට ආස හිතෙන ආකාරයට ගොනු කර තිබෙනවා. ඔබේ දරුවා ඉගෙනගත් පිල්ලම් ලිවීමට හුරු කරවන්න. පිල්ලම් පොත 2 අරගෙන දෙන්න.

පිල්ලම් පොත 1, ඔබේ දරුවාට පිල්ලම් කියලා දුන්නේ ගුරුවරයෙක් වගේ. පියවරෙන් පියවර – පිල්ලම් යොදාගෙන වචන හැදෙන හැටි පෙන්වා දුන්නා. දැන් ඔබේ දරුවාට පිල්ලම් කියවන්න පුළුවන්. ඒත්, පිල්ලම් ලියන්නත් ඕන නේ. ඒකත් හරිම ලේසියි. දරුවා ඉගෙනගත් – පිල්ලම් පමණක් ආධාරකරගෙන වචන ලිවීමට හුරු වෙනවා. පිල්ලම් ලිවීම අරඹන දරුවන් උදෙසා ‘පිල්ලම් පොත 2’ සියලු පාඩම් ගොනුකර තිබෙන්නේ, දරුවාට ආත්ම විශ්වාසය ගොඩ නගාගනිමින් පිල්ලම් ලිවීමට හුරුවීම සඳහා යි. ඔබේ දරුවා පිල්ලම් ලිවීමට මේ පොතින් හුරුවේවි. නිවැරදිව කියවීම සඳහා පිල්ලම් පොත 1 අරගෙන දෙන්න.

ඔබ එවූ පොතේ පිටුපස කවරයේ සඳහන් පෙළ පහතින් දැක්වේ: ‘ඇයි වැඩට යන්නේ නැත්තේ? මොකක්ද ප්‍රශ්නය?’ ‘මං හීනයක් දැක්කා’ ‘නරක හීනයක් ද?’ ‘නෑ, දරු හීනයක්’ ‘මට කියපන් මොකක්ද වුණේ? උඹේ ඇඟත් රත් වෙලා’ ‘මං හීනෙන් ප්‍රභාකරන් දැක්කා. නන්දිකඩාල් කලපුව හරහා ආපු හුළඟකින් එයාගේ ශුක්‍රාණුවක් ඇවිල්ලා මගේ ගර්භාෂයේ තැන්පත් වුණා’ ‘ඉතින් උඹ මොකක් ද කරන්න හිතාගෙන ඉන්නේ?’ ‘මං හිතාගෙන ඉන්නේ දරුවා හදන්න’ …අර හිරේ ගිය තාත්තා ඌ නිදහස් වෙලා. දැන් මහණ වෙලා. ඉස්සර මහණ නම ධර්මකීර්ති. දැන් සර්වජෝතන්ද. ඉන්න ගමන් උඹේ දූෂණය කරපු එයාගෙන් බණක් අහපන්. එයාට ප්‍රඥාව පහළ වෙලා ලු රැළි ගැහිගැහී. ගිහිං අහපං එනවද? කියලා. අර අම්බලන්ගොඩ කාලකණ්ණි තරුණයා – දැන් එතේ සමාධි නියාමක. අර මිනුවන්ගොඩ රාජපක්ෂ දැන් ප්‍රාදේශීය සභාවේ සභාපති. උඹේ නැති වෙච්ච කන්‍යාභාවය මනපු – උඹ කන්‍යාවක් කරපු දොස්තර දැන් පොසිටිව් තින්කින් උගන්වනවා ටී.වී. එකේ, ඉන්ටර් නෙට් එකේ පෙම් කවි ලියනවා. උඹ එක තැන නැවතිලා. ලෝකේ කැරකෙනවා. චාත්තය මැද්දට කප වැළගින්නක් වගේ පැනපං. වෙඩි කාපු රියක් වගේ ගොරවපං…

⭕පිරිපුන් ගුරුවරයෙක් උගන්වන්නෙ පොතෙන් නොව හදවතිනිz, යන කියමන අනුව ගුරු රැකියාවට ඇතුළත්වන සෑම කෙනෙකුම පොතේ දැනුමට පමණක්් සීමා නොවී සිසුන් කෙරෙහි ඇල්මකින්, සෙනෙහසකින් යුතුව පරිත්‍යාගශීලී, දූරදර්ශී හදවතකින් යුතුව කටයුතු කලයුතු ආකාරය පිලිබඳ මග කියාදෙන ඉතා වටිනා ග්‍රන්ථයකි

⭕ හඳුන්වාදෙන අකුරු හා පිල්ලම්ද යංශය හා රකාරාංශය ඇතුළත් වචන ඇසුරෙන් රූල් පහට අනුව මෙම පොත සම්පාදනය කර ඇත.

රජයේ පාසල් ගුරුවරියක ලෙස වසර තිහක ගුරු සේවයේ අත්දැකීම් අනුව ළමා මනස ගැන මනා අවබෝධයකින් යුතුව මෙම 1 ශ්‍රේණියේ වැඩ පොත ළමයින්ගේ මට්ටමටම විෂය කරුණු වලට අනුගතව කර ඇත. පෙර පාසල් දරුවන්ට ඒකාකාරී ස්වභාවය මඟහරවා ගනිමින් අභ්‍යාස වල නිරතවීමට ආශාව ඇති කිරීම මෙම පොතේ අරමුණ වේ. පෙර පාසල් දරුවන්ට අකුරු හුරු කිරීමට මෙන්ම අකුරින් අකුරට ලස්සන වර්ණ ඇසුරින් මව්පියන්ට දරුවන්ට උදව් කිරීමට හැකි වන අතර, මව්පියන්ටත් දරුවාටත් සහාය වේ. සංස්කරණය සන්ධ්‍යා කුමාරි

මයිකල් ඇන්ජලෝ ප්‍රනාන්දු බී.එස්.සී උපදේශන මනෝ විද්‍යා මේ පොතෙන්….. මොකක්ද මේ ආදරේ කියන්නේ සිත ඇදී ගිය පළියට ඒක ආදරේ නෙමේ. ආදරය කියන්නේ ආසාවට නෙමේ. හරි පුද්ගලයාට වැරදියටත්, වැරදි පුද්ගලයාට හරියටත් ආදරය කිරීම නිෂ්ඵලයි. විවාහයට බලපාන සාමාජීය හා මානසික පසුබිම ඔබ විවාහවෙන්නේ මොන හේතුවක් නිසාද? ජනප්‍රිය අයට ආදරේ කිරීම සල්ලි වලට ආදරේ කිරීම නොලැබෙන බව දැන දැනම කෙනෙකුට ලංවීම. අධ්‍යාපනය ආදරයට බලපාන්නේ කොහොමද? ඔබ ආදරය කරන තරමටම ඔබටත් ආදරය ලැබෙනවද? කලින් පෙම්වතා ගැන ඔබ තාමත් හිතනවද? ආදරය පිළිබඳ මිත්‍යා මත. එකවර දෙදෙනෙකුට ආදරය කළ හැකිද? ලිංගිකත්වය යනු විවාහ දිවිය සවිමත් කරන බැම්මක් මිස එකිනෙකාගේ ප්‍රයෝජන ගැනීමක් නොවේ. ඔබ ගත කරන්නේ තෘප්තිමත් විවාහ ජීවිතයක්ද? ලිංගිකත්වය බලෙන් ලබාගත යුත්තක් නොවේ. එය පරිත්‍යාගයකි. මෙවන් කරුණු බොහොමයක් පිළිබඳව සිතා බලන්නට ඔබට ඇරයුම් කෙරේ………

⭕ඉංග්‍රීසි – සිංහල භාෂා දෙකෙන්ම දරුවන්ට කියවිය හැකි, රස විදිය හැකි රසවත් කථා පොතකි.

⭕ මින්සර මනෝවිද්‍යාත්මක පොත්පෙළ – 3 ( ජීවිතය යහපත් කිරීමට මග ඵළිකරන මනෝවිද්‍යාත්මක පොත්පෙළෙ – 3 ප්‍රතික්ෂේප කිරීම් හමුවේ නොසැලේ ඉන්න

⭕ කෘර ලෙස තැලීම් පෙළීම්වලට ලක් වෙමින් නිමක් නොදකින දහසක් බිරින්දෑවරුන්ගේ මෙතෙක් සාකච්ඡාවට භාජන නොවුනු අනුවේදනීය කථාව.. ISBN 978-624-5536-13-9

“කිරුළ සෙලවෙයි. නමුත් වැටෙන්න දෙන්න එපා.” සෙලීනා සමන්ති සින්ක්ලෙයාර් පාර්ලිමේන්තු මන්ත්‍රිනී, සභාපතිනී – ඇක්ටිව් වෙකර් සමූහ ව්‍යාපාරය සිහින දකින්න ධෛර්යයක් අවශ්‍ය නැහැ. නමුත් සිහින විශ්වාස කරන්න මහා ධෛර්යයක් අවශ්‍යයයි. ඒ වගේම හදවතින්ම විශ්වාස කරන සිහිනයක් හඹා යන්න බරපතළ අවදානමක් ගන්න ඔබ සූදානම්ද? පර්සෝනා කැලුම් වැලිගම

⭕ කම්මැලිකම හැරදමා ජීවිතය ජය ගැනීමට අදිටන් කරගත් දක්ෂ දරුවන්ගේ සංවේදී කතාවකි.

යෞවනය හුදු ධර්මතාවයකි එය මඟ හැරීමට කිසිවකුටත් නොහැකිය මහා මන්දිරයටත්, දුගී පැලටත් යෞවනය එළඹෙන්නේ එකවිටයි යොවුන් ගැටලු කාටත් පොදුය මිල මුදලින් එය වෙනස් කළ නොහැක තීර අදිටන ඇත්නම් තම ප්‍රේමය සාක්ෂාත් කර ගැනීමට ඕනෑම අයෙකුට පුළුවන එය සනාථ කර ගැනීමට මෙම කෘතියෙන් වෑයම් කර ඇත විමල් වීරතුංග

⭕ පුංචිච්ච මල්ලිට වලිගය නැවත ලැබුණු රසවත් කතාවකි. වයස අවු. 06 – 09 දක්වා දරුවන්ගේ කියවීමේ් රුචිය තවත් දියුණු කරයි

“රන් කියන්නේ වටින ලෝහයක්.. ඒත් ඒවා යකඩ තරම් මේ ලෝකේ හදන්න උදව් උපකාර කරලා නෑ. මට ඔයාව රන් නෙළුමක් කරලා කාගේ හරි ධනවන්තයෙකුගේ සේප්පුවේ හරි නිසල මුදුනේ හරි එල්ලන්න නෙමේ ඕන වුණේ. ඒ නිසා ඔයා තේරුම්ගන්න ඕන ඔයාව වටින්නේ අද කාලයට විතරක් නෙමේ කියලා. ඔයා හැම කාලයකදීම වටින කෙනෙක් වෙන්න ඕන. ශක්තිමත් වෙන්න ඕන. අර්ථවන්ත වෙන්න ඕන. ඒකයි මං ඔයාට රන් නෙළුමක් වෙන්න නොකියා යකඩ නෙළුමක් වෙන්න කිව්වේ” – කසුන් මනුරංග දුල්ලෑවබණ්ඩාර

සංස්කාරක: නිව්ටන් ගුණසේකර ශාස්ත්‍රවන්තයින්ගේ අනවධානයට හේතුකොටගෙන, කලක් පාඨක විචාරක ප්‍රසාදයෙන් බැහැරව පැවති සිංහල කෙටිකතාව, දැන් වනාහි යථාස්ථාපනය වී ඇත්තේය. දශක දෙකකට ආසන්න ඉකුත් කාලය තුළදී, අතු ඉති ලමින් නැවත වැඩෙන්නට වූ අපගේ කෙටිකතාව, මල්පලබර අවධියකට අවතීර්ණ වෙමින් පවතින බව පෙනෙන්නට ඇත. අපගේ අධ්‍යාතන සාහිත්‍යයේ එකී ඉෂ්ටදායක ප්‍රවණතාව රැකගත හැකි වනුයේ, ප්‍රවීණ නවීන ලේඛක දෙපිරිසේම කෙටිකතා පාඨකයින් අතරට පත් කිරීමෙන් සහ ඒ නිර්මාණ විචාරක අවධානයට ලක් කිරීමෙන් පමණි. “මින්සර” ප්‍රකාශකයන්ගේ අනුග්‍රහයෙන්, ප්‍රවීණ ලේඛක නිව්ටන් ගුණසේකර මහතා විසින් සම්පාදනය කොට ඉදිරිපත් කරනු ලබන මෙම කෙටිකතා සංග්‍රහය, පැසසුම් කටයුතු සාහිත්‍ය ව්‍යායාමයක් සේ හැඳින්විය යුතු වන්නේ, එකී හේතුවද නිසාය. නොමඳ පාඨක සහාද ප්‍රසාදයට පාත්‍රව සිටින ප්‍රවීණයන් රැසකගේ මෙන්ම, නිර්මාණ ශක්තියෙන් හෙබි නවකයින් කිහිපදෙනෙකුගේද කෙටිකතා විසිඑකකින් පරිමිත මෙම නිර්මාණ සමුච්චය, අතිශයින්ම කාලෝචිත සාහිත්‍ය සංග්‍රහයක් හැටියට හඳුන්වා දීමට මම කැමැත්තෙමි. – ආචාර්ය ඩබ්ලියු. ඒ. අබේසිංහ

පිලිප්ගේ ලෝක සිතියම් පොත වසර 90ක ඉතිහාසය පුරා ලොව සෑම තැනකම සීඝ්‍රයෙන් අලෙවි වන වටිනා ග්‍රන්ථයකි. මෙය ද්විතීිය අධ්‍යාපනය සඳහා අත්‍යවශ්‍ය පොතක් බවට පත්ව තිබේ. මෙහි ප්‍රශස්ත මට්ටමේ සංඛ්‍යාත ප්‍රාදේශීය සහ ලෝක සිතියම් සමග නවතම විෂයානුබද්ධ සිතියම් සම්බන්ධ කොට ඇත. දේශපාලන සිතියම: දේශපාලන සිතියම සිය අසල්වැසි රාජ්‍යයන් සාපේක්ෂව එක් එක් රටෙහි විශාලත්වය ඉතා පැහැදිලි ජාතික දේශ සීමාවන් මගින් සරල පැහැදිලි අවබෝධයක් ලබා දෙයි. කාලගුණ සිතියම: කාලගුණ සිතියම් එක් එක් මහද්වීපය සඳහා වෙන් වෙන් වශයෙන් සකස් කොට ඇති අතර සාමාන්‍ය උෂ්ණත්වය, වර්ෂාපතන රටා සහ සුළං ප්‍රවාහ පෙන්නුම් කරයි. භූගෝලීය ලක්ෂණ: චන්ද්‍රිකා ප්‍රතිබිම්බකරණය මගින් භූමි නිර්මාණයේ, දේශගුණයේ සහ පරිසරයේ වෙනස්කම් අධ්‍යයනය සඳහා වටිනා මූලාශ්‍ර සපයයි. භෞතික සිතියම: භෞතික සිතියම් මුහුදු මට්ටම මැන බැලීම සඳහා පහසුවෙන් වෙන්කර හඳුනාගත හැකි පරිදි වර්ණ යොදා ඇති අතර කඳුවැටි සලකුණු මගින් භූමි දර්ශන, ගංගාවන් සහ විල් පෙන්නුම් කරයි. තේමා සිතියම: තේමා සිතියම් ජනගහනය, සෞඛ්‍යය, සාක්ෂරතාව, ව්‍යාපාරික සහ පරිසරය වැනි ප්‍රධාන පෙළේ සමාජ සහ ආර්ථික මාතෘකා පිළිබඳ තොරතුරු ලබාදෙයි. ආර්ථික සිතියම: ආර්ථික සිතියම් ගෝලීය දෘෂ්ටිකෝණයකින් යුතුව මධ්‍යධරණී කළාපය මූලික කොටගෙන ප්‍රධාන කලාපයන් පෙන්නුම් කරයි.

පුංචි තිරයේ ඔබ ආදරය කළ ඒ සංවේදී කතාව, දැන් අකුරු අතරින් කියවන්න. “දොරකඩ දෙවොල” නිවෙන්නට සිතමින් ඇවිලෙන මිනිසුන්ගෙ කතාන්දරය.. “අනිත් එක නාමලියෝ, මේ එක තත්පරේකටවත් ජීවිතේ අංග සම්පූර්ණයි කියලා හිතන්න එපා… ISBN : 978-624-5409-00-6

සුන්දර ළමා මනසට ආමන්ත්‍රණය කරමින් විතානගේ කතුවරයා විසින් රචිත “දේදුන්නක් පායලා” නමැති සිඟිති කාව්‍ය සංග්‍රහය ඉතා ආශාවෙන් කියවීමි. එහි ඇතුළත් වන බොහෝමයක් රචනා ඉතා සරලය. සමහර රචනා ගීතවත්ය. ඔහු සමහර නිර්මාණවලදී හසුරුවා ඇත්තේ ශූර සිත්තරකරුවෙකු ලෙසිනි. ළමා කාව්‍යයක අන්තර්ගත විය යුතු රමණීය බස රිද්මය පරිකල්පනය වඩාත් හොඳින් උද්දීපනය වන නිර්මාණ අතර “තපස් රකින කොක් නයිදේ, ටිකිරිලියා, අම්බලමේ පිනා, අම්මා, උදයක ලස්සන, ගුණ සුවඳ” යන කවි පන්ති වඩාත් කැපී පෙනේ. පොඩි දරුවන් මෙම රසැති කවි පොත කියවා උපරිම සතුටක් හා රසයක් විඳින බවට කිසිදු සැකයක් නැත. – නිව්ටන් ගුණසේකර –

⭕ කවුද ඔයා මම ඔයාගේ නැන්ද මගේ නැන්ද නැති වෙලා නෑ ලීසා, මම හිටියෙ දුඹුරු පෝච්චිය ඇතුලෙ හිරවෙලා. ආ….. දුඹුරු පෝච්චිය ඇතුලෙ හිරවුනු කථාකරන හෙවනැල්ලක්

බටහිර ඖෂධ පිළිබඳ තොරතුරු සංග්‍රහය පාලිත ෆොන්සේකා BSc. (Hons.) MSc., M.I.. Biol., MIEPSL, L.I. Chem. C., MPS., (SL) රෝගී වූ විටෙක අසරණ වන අපට වෛද්‍යවරුන්ගේ මග පෙන්වීම මත විවිධාකාරයේ ඖෂධවල පිහිට පතන්නට සිදු වේ. එවන් අවස්ථාවක බොහෝ දෙනෙකුගේ විශ්වාසය දිනා ගන්නේ බටහිර හෙවත් ඇලෝපති (Allopathy) වෛද්‍ය ක්‍රමයට අයත් ඖෂධයි. පවතින රෝගාබාධය, ඒ වෙනුවෙන් නිර්දේශිත ඖෂධය හෝ ඖෂධ මෙන්ම ඒවා සබුද්ධික අයුරින් භාවිත කළ යුතු ආකාරය හා හැකි අයුරින් එකී රෝග නිවාරණය කිරීමේ උපාය මාර්ග ආදිය, පිළිබඳව මූලික අවබෝධයක් හෝ ලබා තිබීම රෝගී නිරෝගී සැමගේ කාලීන අවශ්‍යතාවයකි. ඉහත අරමුණ වෙනුවෙන් බටහිර ඖෂධ පිළිබඳව සිංහල පාඨකයා වෙත සරළ හා සාරවත් අයුරින් තොරතුරු රැගෙන අප හමුවට එන ප්‍රවීණ දේශකවරයෙක් මෙන්ම ගම්පහ ඖෂධවේදී අධ්‍යයන මධ්‍යස්ථානාධිපති පාලිත ෆොන්සේකා මහතා අප කාගේත් නොමඳ ප්‍රශංසාවට ලක් විය යුතුය.

⭕ පෙර දවස ඉමහත් වටිනාකමට හා සැලකිල්ලට බදුන් වූ බොහෝ වටිනාකම් මිනිස් ජීවිතයෙන් ගිලිහී යන ආතර ඒ තත්ත්වයෙන් කිතුනු ජනතාව යහමගට ගැනීම පිණීස සම්පාදිත වටිනා ග්‍රන්ථයකි.

සන් ලං නම් වූ මනබන්ධනීය යෞවනයා වනාහි සියලු ස්වර්ගීය දෙවිවරුන්ගේ නොමනාපයට පාත්‍ර වූ, චතුර් මහා විපර්යාස නාම ලාභී, කුප්‍රකට අසුර රජ හුආ චෙංම බව ෂී යෑන් සහතික කොට ගත්තේය. එහෙත් තවමත්, කතාන්දරවල සිටින බිහිසුණු අසුරයාත්, තමාට හමු වූ සුහුරු, ආකර්ෂණීය, රක්ෂක ගුණයෙන් හෙබි යොවුන් තරුණයාත් අතර ගැළපීමක් දැකීමට ඔහු අපොහොසත් වී තිබුණි. මේ අතර, අනපේක්ෂිත අනතුරු සංඛ්‍යාවක් හේතුවෙන් භූතපුරය වෙත යාමට ෂී යෑන්ට මග හෙළි වේ. මළවුන්ගේ ලොවෙහි සියලු භයංකාරයන් සහ ආස්වාදයන් කැටි වූ මේ ජනාකීර්ණ පුරවර පෙදෙසෙහිදී, හුආ චෙංගේ නිජබිම වූත් බලප්‍රදේශය වූත් භූමියෙහිදීම ඔහු දැකගැනීමට ෂී යෑන්ට අවස්ථාව එළඹේ. පළමුවරට, හුආ චෙංගේ සැබෑ ස්වරූපයද ඔහු අබියස නිරාවරණය වන්නේය. එනමුත්, ඔවුන් අතර වූ සමීප බැඳීම සහ කුලුපගභාවය කෙතෙක් වුවත්, පරිපූර්ණ කළ යුතු ක්‍රියාදාමයන්ද, හෙළිකරගත යුතු රහස්ද බොහෝය. එපමණක් නොව, ෂී යෑන්ගේ ශතවර්ෂ ගණනාවක් පැරණි, අන්ධකාර අතීතයද නුදුරේදීම හෙළිවන ලකුණු පහළ වී ඇත්තේය.

සශ්‍රීක රාජ්‍යයක රජ කිරුළට එකම උරුමකරු වශයෙන් උපත ලබන ෂීව් ලියෑන් සිය සුන්දරත්වයත්, කාය ශක්තියත්, පවිත්‍රත්වයත් සම්බන්ධයෙන් විරුදප්‍රසිද්ධ වූයේ විය. ඔහුගේ වසර ගණනාවක කැපවීමත්, පවිටු ගුණ හා ශ්‍රේෂ්ඨ ක්‍රියාකලාපයත් ඉතා බාල වයසේදීම ඔහුට දේවත්වයට පත්වීමේ අවස්ථාව සලසාලන්නේය. එහෙත් යමෙකු නැඟුණේ නම්, ඔහුගේ ඇදවැටීමද වන්නේමය. එලෙසින්ම ඔහුද ඇදවැටුණේය. හේ ස්වර්ගයෙන් නෙරපා, මනුලොවට යළි පිටුවහල් කරනු ලබන්නේය. මනුලොව දිවියෙන් අටසිය වසකට පසු, ෂීව් ලියෑන් තෙවැනි වරටත් දෙවි වරම් ලබන්නේ ස්වර්ග තලයට බොහෝ අලාභ හානි සිදුකොට, බොහෝ දෙවිවරුන්ගේ අමනාපයටත් කෝපයටත් පාත්‍ර වෙමිනි. දැන් මේ අලාභයන් පියවීමට නම්, ෂීව් ලියෑන් නැවතත් මනුෂ්‍ය තලයට යා යුතුය. ඉක්බිති මනුෂ්‍යයන්ට පීඩා ගෙන එන කුරිරු වූත් දුර්ජන වූත් භූතාත්මයන් විනාශ කර දැමිය යුතුය. ඔහුට සැන් ලං නම් වූ විස්මයජනක ඥානයකින් හෙබි, අපූර්ව යෞවනයෙකු මුණගැසෙනුයේ ඔහුගේ මේ චාරිකාවන් අතරතුරදීය. ඔවුන් අතර ගොඩනැඟෙන්නේ ක්ෂණික මිත්‍රත්වයකි. එහෙත්, මතුපිටින් පෙනෙන තුරුණු, කෙළිලොල් ගති ස්වභාවය අභිබවා ගිය කිසියම් අබිරහස් අනන්‍යතාවයක් හා අවින්තය යටගියාවක් සැන් ලං කෙරෙහි පවතින බව සුපැහැදිලිය. ඒ සැහැල්ලු මදහස යට කවර නම් වූ කතා පුවතක් සැඟව ඇත්තේද?

⭕ ඇසිලියෝ මට ඇත්ත කියාපන්. උබ චන්ද පොළේ අලියෙකුගේ තියා අලි නැට්ටක සලකුණවත් ඇහැට දැක්කෙ නෑනේද? මංනං හාමිනේගේ කීමට පිටින් කටයුතු කලේ නැ. එහෙම කලානම් මට බැල්ලියේ ඉජු ඉජු කියලා කතා කලත් මක්වෙනවාද ?

THOMAS HARDY MAYOR OF CASTERBRIDGE මයිකල් හෙන්චාඩ් තිරිඟු යායන්හි පිදුරු මිටි බඳින්නෙකි. දිනක් ඔහු බීමතින් සුසෑන් නම් වූ තම තරුණ බිරිඳ සහ සිඟිති දියණිය වෙළඳ කුඩාරමකදී වෙන්දේසි කරයි. ඇයව නැවියෙක් මිලදී ගනියි. දැඩි සිත් වේදනාවෙන් මංගල මුදුව ගලවා විසිකළ සුසෑන් නැවියා සමග යයි. පසු දින පියවි සිහිය ලද හෙන්චාඩ් තමා කළ දේ ගැන පසුතැවිලිව ඇයව සෙවීමට දස දෙස යමින් ඉහමත් ප්‍රයත්නයක යෙදෙයි. විසි වසරකට පසු සුසෑන් ද යොවුන් වියට පත් දියණිය සමග නැවත හෙන්චාඩ්ව සොයයි. මෙසේ විසි වසරක් තුළ ඔවුන් දෙදෙනාගේ එකිනෙකා සෙවීමේ චාරිකාවේ චමත්කාර සිදුවීම් වලින් වර්ණවත් වූ මෙම නව කතාව තෝමස් හාඩි නම් වූ ශ්‍රේෂ්ඨ ගත්කරුවගේ නිර්මාණයකි. “The Mayor of Casterbridge” නම් වූ මෙම ලෝක පූජිත නවකතාව ලාංකික සාහිත්‍ය රසයට උචිත සරල බස් වහරෙන් “තිරිඟු යායේ ගීතය” නමින් මයිකල් ආන්ජලෝ ප්‍රනාන්දු විසින් සංක්ෂිප්තව සිංහලට පරිවර්තනය කරනු ලැබ ඇත.

බටහිර අප්‍රිකානු එබෝලා වසංගතය පසුබිම් කරගත් නොඇසූවිරූ කතාවක්… ගිනියාව, ලයිබීරියාව සහ සියෙරාලියොන් දේශසීමා එකිනෙක හමුවන ‘ලෝමා’ නම් සුන්දර කලාපයේ ‘කිසි’ නම් ග්‍රාමයේ ජීවත්වූ ‘ටම්බා’ නම් අභියෝගාත්මක තරුණයාට තම ගම් බිම් හැරදා පලා යාමට සිදුවූයේ වසංගත තත්ත්වයක් හේතුවෙනි. එයින් තම පියා ඇතුළු ඥාතීන් අහිමි වන ඔහුට මොන්රෝවියාවට යාමට හැකි වන අතර එහිදී අමිනාටා නම් පියකරු යුවතියක් මුණ ගැසේ. එහිදී තම ජීවිතය ගොඩනගා ගැනීමට උත්සාහවන්ත වන ඔහුට දෛවයේ සරදමක් මෙන් ‘එබෝලා’ වෛරසය ආසාදනය වේ. ඔහු එයින් දිවි බේරාගත්තද ඔහුට සිය බිරිඳ සහ සුරතල් දියණිය අහිමි වේ. ඔහුගේ පුතුන් දෙදෙනා සමග නැවතත් ඔහු ධෛර්යසම්පන්නව ජීවිතයට මුහුණ දෙයි. ඒ අතර ඔහුට තම පළමු ආදරවන්තිය ‘කුම්බා’ ව මුණගැසේ. ඒ වන විටත් එබෝලා වසංගතය නිසා ඇය ජීවිතයෙන් සමුගෙන ගොස් සිටියේ ඇයගේ දියණිය වන ‘සයේමා’ ගේ රැකවරණය ඔහුට හිමිකර දෙමිනි. ‘තිමිරෙන් එතෙරට’ නවකතාවෙන් විස්තර වන්නේ ‘ටම්බා’ නම් වූ නොසැලෙන පෞරුෂයකින් යුත් මිනිසාගේ ජීවිත වෘත්තාන්තයයි. පොතේ නම: තිමිරෙන් එතෙරට (පරිවර්තන නවකතාව) මුල් කෘතිය: ප්‍රමුදිත ඩී. රූපසිංහගේ “Behind the Eclipse” නම් ඉංග්‍රීසි නවකතාවේ අසංක්ෂිප්ත සිංහල පරිවර්තනය. පරිවර්තනය: රෝහණ කලුආරච්චි

“මතු දිනෙක ලස්සන දියමන්තියක් වෙන්නේ අධික උණුසුම සහ දැඩි පීඩනය යටතේ කාලයක් පුරා වෙනස් වෙන කැත ගල් අඟුරු කුට්ටියකි.” ජීවිතයේ ඔබ නියැලෙන ඕනෑම ක්ෂේත්‍රයක තරගයේ වීරයෙක් වෙන්න බලපාන සියළු ක්‍රම සහ විධි එකින් එක හෙළිකරන ප්‍රබල උපක්‍රම වට්ටෝරුවක් වශයෙන් මෙම අගනා කෘතිය හැඳින්විය හැකිය. YES I CAN නම් ජනප්‍රිය ධනාත්මක චින්තන මන්ත්‍රයෙන් පමණක් සෑහීමට පත්නොවී, ජීවිතය දිනන්න මග පෙන්වන ක්‍රම, විධි සහ සංකල්ප එකතුවක් කියවීමට ප්‍රිය උපදවන කතා ශෛලියකින් මෙහි අන්තර්ගත කර තිබේ. පාසල් ශිෂ්‍යයාගේ සිට විධායක ජනපති දක්වා වූ ඕනෑම කෙනෙකුගේ ජීවිතය වෙනස් කරන්න සමත් තරගයේ වීරයා කෘතිය එක හුස්මට කියවා සැනසෙන්නන්ට නොව, අවබෝධයෙන් කියවා ජීවිතය වෙනස් කර ගන්න හිතන හැමෝටම සුදුසුයි.